Հետքաբանական փորձաքննությունների բաժին
Կատարվող փորձաքննությունների տեսակները և ենթատեսակները
06. Հետքաբանական փորձաքննություններ, այդ թվում՝
- 06-01 Մարդու կողմից թողնված հետքերի հետազոտություն
- 06-02 Առարկաների, գործիքների և դրանց կողմից թողնված հետքերի հետազոտություն
- 06-03 Տրանսպորտային միջոցների կողմից թողնված հետքերի հետազոտություն
- 06-04 Սառը զենքի հետազոտություն
Փորձագիտական հետազոտությունների ուղղվածությունները
Հետազոտության օբյեկտները.
- Մարդու հետքերը (ձեռքերի, ձեռնոցների, ոտքերի, կոշիկների, ատամների, շրթունքների, արյան և այլն):
- Իրերը, առարկաները, գործիքները, մեխանիզմները և դրանց կողմից թողնված հետքերը:
- Կենդանիների հետքերը (սմբակների, պայտերի, թաթերի և այլն):
- Տրանսպորտային միջոցների (ՏՄ) հետքերը (անիվների հետքեր, ճանապարհատրանսպորտային պատահարի (ՃՏՊ) հանգամանքներում ՏՄ-ների, արգելքների, ճանապարհի ծածկույթի, տուժողների հագուստների վրա առաջացած վնասվածքներ, ՏՄ-ից պոկված, կոտրված մասեր և դրանց կտորներ):
- Փակող և պահպանիչ սարքերը (փականքներ, պլոմբներ և այլն):
- Մակնիշավորման նշագրումները (թափքի, շարժիչի նույնացման համարներ):
- Սառը զենքերը (շեղբավոր և նետողական), ինչպես նաև կառուցվածքով դրանց նմանվող իրերը և առարկաները:
Հետազոտության խնդիրները.
1. Նույնացման խնդիրներ՝
- Թողնված հետքերով հետք առաջացնող օբյեկտի նույնացում:
- Ամբողջի վերականգնումը մասերով:
2. Դիագնոստիկ (իրավիճակային) խնդիրներ՝
- Հետքերի առաջացման մեխանիզմների, պայմանների, հերթականության, (հարաբերական) վաղեմության և հետք առաջացնող օբյեկտների (մարդու) առանձնահատկությունների որոշում:
- Սառը շեղբավոր և նետողական զենքերի, ինչպես նաև դրանց նմանվող առարկաների՝ սառը զենքերի դասին պատկանելիության որոշում և պատրաստման եղանակի պարզում:
- Հանգույցների, օղակների տեսակների և կիրառման նպատակի որոշում:
- Մասսայական թողարկման արտադրատեսակների պատրաստման եղանակի, աղբյուրի և (հարաբերական) վաղեմության որոշում:
- Փակող և ստուգիչ-ապահովող սարքերի (փականքներ, պլոմբներ, ազդանշանային սարքեր) սարքինության, վերջին փակելուց հետո բացելու եղանակի և վաղեմության որոշում, ինչպես նաև դրանց մեխանիզմների վրա օտար առարկաների ներգործության առկայության կամ բացակայության պարզում:
- Ճանապարհատրանսպորտային պատահարների (ՃՏՊ) վերլուծություն՝
- ՃՏՊ-ի մեխանիզմի որոշում:
- Վրաերթի ընթացքում ՏՄ-ի մակերևույթի և տուժողի հագուստի փոխազդեցության հետևանքով առաջացած հետքերի պարզում:
- ՃՏՊ-ի ընթացքում ՏՄ-ի սրահում գտնվող անձանց վնասվածքների բնույթից ելնելով՝ դրանց տեղակայման որոշում (լուծվում է համալիր փորձաքննությամբ):
- ՃՏՊ-ի ընթացքում ՏՄ-ի և հետիոտնի փոխադարձ դիրքի որոշում (լուծվում է համալիր փորձաքննությամբ):
- Հպման մեջ մտած ՏՄ-ների վրա առաջացած վնասվածքների տեղակայման, առաջացման ուղղության և վաղեմության որոշում:
- Դաջված նիշերի փոփոխության և վերադաջման հանգամանքների պարզում: