Ֆինանսատնտեսագիտական և դատահաշվապահական փորձաքննությունների բաժին
Կատարվող փորձաքննությունների տեսակները և ենթատեսակները
15. Տնտեսագիտական, այդ թվում՝
- 15-01 Հաշվապահական փորձաքննություն
- 15-02 Ֆինանսատնտեսագիտական փորձաքննություն
Փորձագիտական հետազոտությունների ուղղվածությունները
Դատահաշվապահական փորձաքննություն
Հետազոտության օբյեկտները.
- Հաշվապահական հաշվառման փաստաթղթերը, հաշվետվությունները, հարկային մարմիններին ներկայացված հաշվարկները, ըստ հարկատեսակների հարկային մարմիններում վարվող անձնական հաշվի քարտերը:
- ՀՀ տարածք ներմուծված և արտահանված ապրանքների վերաբերյալ ներկայացված բանկային, մաքսային հայտարարագրերը, հայտարարագրված ապրանքների զննման վերաբերյալ կազմված հանձնարարականները:
- Կազմակերպությունների ղեկավարության կողմից տրված հրամանները, հանձնարարականները, ցուցակները:
- Կազմակերպություններում ֆինանսատնտեսական գործունեության, ինչպես նաև բյուջեի հետ փոխհարաբերությունների ճշտության ստուգման արդյունքների վերաբերյալ կազմված ակտերը:
Հետազոտության խնդիրները.
- Հաշվապահական հաշվառման և հաշվետվության գործող նորմատիվ ակտերին հաշվապահական հաշվառման վարման համապատասխանության որոշում
- Հաշվապահական հաշվառմամբ տնտեսական գործարքների արտացոլման ճշտության որոշում:
- Հարկային պարտավորությունների և սոցիալական վճարումների հաշվարկների ճշտության որոշում:
- Աշխատավարձի հաշվարկման հիմնավորվածության ստուգում:
- Գույքագրումների արդյունքների և դրանց ձևակերպումների ճշտության վերլուծություն:
- Հաշվապահական հաշվառման տվյալներին՝ փորձաքննությանը տրամադրված գործում առկա վկաների, մեղադրյալների և կողմերի ցուցմունքների, ինչպես նաև ոչ պաշտոնական (ստվերային) հաշվառման տվյալների համապատասխանության վերլուծություն:
- Առանց ձեռնարկությունների լուծարման պայմաններում՝ հիմնադիրների հեռացման դեպքում գույքային բաժնեմասի հաշվարկում:
- Հաշվապահական հաշվառման տեսանկյունից պատճառված վնասի չափի որոշում:
- Վարկավորման գործառնությունների, առանձնապես դրամական վարկերի տրամադրման կարևորագույն սկզբունքների վերլուծություն:
- Դեբիտորական և կրեդիտորական պարտքերի վերլուծություն:
- Համալիր փաստաթղթային ստուգումներով կատարված հետևությունների ճշտության որոշում: